1. በሱባኤ ክፍል ሃላፊ/አገልጋይ የሚሰጥዎትን
   ለሱባኤተኞች ወይም ለጸበልተኞች የተዘጋጀውን ቅፅ በጥንቃቄ መሙላትዎን እና መፈረምዎን ያረጋግጡ
2. ለሱባኤ ክፍል ሃላፊ/አገልጋይ መታወቂያዎን ለፎቶ ኮፒ በመስጠት ይተባበሩ፡፡
3. የሚመደቡበትን የሱባኤ ክፍል ማየት እና ጥያቄ ካለዎት የሚያስተናግድዎትን አገልጋይ መጠየቅ ይችላሉ፡፡
4. ማንኛውንም ይዘው የሚመጡትን የግል ንብረትዎን በተመደበሎዎ ክፍል እና ቦታ በጥንቃቄ ያስቀምጡ፡፡
5. የእጅ ስልክዎን አስመዝግበው በተዘጋጀው የሚቆለፍ ሳጥን ውስጥ ማስቀመጥ ቁልፉንም ሉሱባኤ ክፍል ሃላፊ/አገልጋይ መስጠት። ስልክ መጠቀም ቢፈልጉ የሱባኤ ክፍል ሃላፊ/አገልጋዩን በማናገር ስልክ መጠቀም ይችላሉ።
6. በመመዝገቢያ ቅፁ ላይ እንደተቀመጠው ማንኛውም ሱባኤ ገቢ ወይም ጸበልተኛ ከተፈቀደለት ቀናት በላይ መቆየት አይችልም። ነገር ግን በማንኛውም ምክንያት ተጨማሪ የቆይታ ቀናት ካስፈለግዎ በፅሁፍ ለአስተዳደሩ መጠይቅ ማስገባት ይችላሉ፡፡
7. ከህፃናት ጋር ለሚመጡ የመቆያ ጊዜ ሶስት ቀን ሲሆን ለአንድ ሱባኤ ወይም ሰባት ቀን መቆየት ቢያስፈልግዎ ለአስተዳደሩ በደብዳቤ ጠይቀው ሲፈቀድልዎ መቆየት ይችላሉ።

8. የመንፈስ ጭንቀት ያለባቸውን ሰዎች ይዘው ከመጡ በሃላፊነት አብረዋቸው በመሆን ሱባኤውን ማስፈፀም ይኖርብዎታል።
9. በቤተክርስቲያኑ ወይም ገዳሙ ማንኛውንም እርዳታ የሚፈልጉ ወይም ለራሳቸው ሃላፊነት መውሰድ ለማይችሉ ሰዎች ሃላፊነቱን አይወስድም፤ ስለዚህ ይዘውት ለሚመጡት ሰው ሃላፊነቱ የእርስዎ ነው።
10. በቆይታዎ ጊዜ ሁሉ ከሃኪም የታዘዝልዎ መድሃኒት ካለ እንዲያቋርጡ አይመከርም። በተለያየ ህመም ምክንያ ት ልዩ የሆነ የአመጋገብ ሰዓት ካልዎት ሌሎችን በማይቃረን መልኩ ሰዓትዎን ጠብቀው መመገብ እና መድሃኒትዎን ሰዓቱን ጠብቀው በአግባቡ መውሰድ ይችላሉ።
11. በቆይታዎ ጊዜ የካህን ምክር የሚፈልጉ ከሆነ ሱባኤ ክፍል ሃላፊ/አገልጋይ ያሳውቁ፤ በተመደበለዎ ስዓት በመገኘት የአገልግሎት ተጠቃሚ መሆን ይችላሉ፡፡

12. የገዳሙን ንፅህና፣ የፀጥታ ሁኔታ እና ማንኛቸውንም አገልግሎቶች በጥንቃቄ እንዲተገብሩ እናሳስባለን።

1. በቆይታዎ ጊዜ ሁሉ የቤተክርስቲያኑ ወይም ገዳሙን የአለባበስ እና የአመጋገብ ስርዓትን እንዲተገብሩ በጥብቅ እናሳስባለን። ወንዶች ሁል ጊዜ ነጠላ መልበስ ይኖርባቸዋል፤ ሴቶች ሁል ጊዜ ፀጉራቸውን መሸፈን፣ ረዥም ቀሚስ እና ነጠላ መልበስ ይኖርባቸዋል።
2. በቆይታዎ ጊዜ በፀበልና ገድል ቤት፣ እንዲሁም በቤተክርስቲያኑ ወይም ገዳሙ ግቢ ውስጥ የፀሎት ስፍራዎች የተለጠፉትን መመሪያዎች በጥንቃቄ ያንብቡና ይተግብሩ።
3. በቆይታዎ ጊዜ በየክፍልዎ የተለጠፉትን መመሪያዎች፤ የገዳሙን የማህበር እና የግል ጸሎት፣ የመመገቢያ፣ የእረፍት፣ የአገልግሎት፤ የሻወር ወይም የግል ንፅህና መጠበቂያ፣ የቤቶቹን ፅዳት መጠበቂያ የጊዜ ሰሌዳ በጥንቃቄ ያንብቡና ይተግብሩ። ተጨማሪ ጥያቄ ካለዎት የሱባኤ ክፍል ሃላፊ/አገልጋዩን ይጠይቁ
4. በቤተክርስቲያኑ ወይም ገዳሙ ገዳሙ የራሱ የሆነ ለመኝታ አገልግሎት የሚውሉ ፍራሽ፣ አንሶላ፣ ትራስ እና ኮምፎርተር ያቀርባል። ነገር ግን እርስዎ የራስዎን ለመኝታ የሚሆኑ ቁሳቁሶችን ይዘው ከመጡ ለገዳሙ ሱባኤ ክፍል ሃላፊ/አገልግሎት ክፍል ማሳወቅ ይኖርብዎታል።
5. ያልተገለገሉባቸው (አዲስ የሆኑ) የመኝታ ክፍል ቁሳቁሶችን ለቤተክርስቲያኑ ወይም ለገዳሙ መለገስ ቢፈልጉ ለበቤተክርስቲያኑ ወይም ገዳሙ ሱባኤ ክፍል ሃላፊ/አገልጋይ አስታውቀው መለገስ ይችላሉ።
6. ከመኝታ ሰዓት ውጪ የመኝታ ቦታዎች በአግባቡ የተነጠፉ እና የተስተካከሉ ንፅህናቸውንም የጠበቁ መሆን ይገባቸዋል።
7. በሱባኤዎ የመጨረሻ ቀን የተጠቀሙባቸውን ማንኛውንም የመኝታ አገልግሎት ቁሳቁሶች ለሱባኤ ክፍል ሃላፊ/አገልጋይ ይመልሱ።
8. የልብስ ማጠቢያ ሆነ ማድረቂያ ማሽኑን መነካካት የተከለከለ ነው። የሚታጠቡ ልብሶች ካሉ ለሱባኤ ክፍል ሃላፊ/ አገልጋዮች ማሳወቅ ይችላሉ።
9. ከጸሎት፣ ከትምህርት እና ከዕረፍት ሰዓት ውጪ በቤተክርስቲያኑ ወይም ገዳሙ የስራ ስዓት እርስዎ በተመደልዎት የአገልግሎት ድርሻ ላይ በቅንነት እና በመንፈሳዊነት እንዲያገለግሉ እናሳስባለን። በሰዓቱ የተመደቡበትን አገልግሎት መተግበር የማይችሉ ከሆነ ለሱባኤ ክፍል ሃላፊ/አገልጋይ ያሳውቁ።
10. በቤተክርስቲያኑ ወይም ገዳሙ ያሉ ማንኛውንም መገልገያዎች በጥንቃቄ ይጠቀሙ። የመገልገያ ቁሳቁሶችን መጠቀም ካላወቁበት የሱባኤ ክፍል ሃላፊውን /አገልጋይ ይጠይቁ።
11. በሱባኤ ቤቶች ውስጥ ምግብ መመገብ የሚቻለው በተመደቡት የመመገቢያ ቦታዎች ብቻ ነው። በሱባኤ ክፍሎች ውስጥ መመገብ አጥብቆ የተከለከለ ነው።
12. ማንኛቸውንም ለመመገቢያነት የሚውሉ የተዘጋጁ ወይም የበሰሉ ምግቦችን ይዘው ከመጡ ለጋራ መገልገያነት ያለውን ኪችን መጠቀም አለብዎት። ማንኛውንም ትራፊ ምግብ መወገድ ባለበት አግባብ ያስወግዱ።
13. ከህመምተኞችና መድኃኒት ከሚወስዱት በስተ ወር ከሰኞ እስከ አርብ በበሶ ወይም በቆሎ ና በደረቅ ምግብ ብቻ እንዲመገቡ ይገደዳሉ ልዩ ችግር ከገጠሞትና ለምግብ ከተገደዱ የሱባኤ ቤቱን ሀላፊ ያነጋግሩ

1. በቤተክርስቲያኑ ወይም ገዳሙ ውጪ ወደሚገኙ የሌሎች ሰዎች ይዞታዎች ወይም ቦታ መግባት ፈፅሞ የተከለከለ ነው።
2. ከ18 ዓመት በታች የሆኑ ወይንም ለራሳቸው ሃላፊነትን መውሰድ የማይችሉ ልጆችን በማንኛውም ሰዓት ለብቻቸው መተው አይቻልም።
3. በቤተክርስቲያኑ ወይም ገዳሙ ግቢ ውስጥ ያለው የውሃ ኩሬ አካባቢ ህጻናትን መተው ፈፅሞ የተከለከለ ነው። ከዚህ ጋር ተያይዞ ለሚፈጠር ማንኛውም ችግር በቤተክርስቲያኑ ወይም ገዳሙ ሃላፊነቱን አይወስድም።
4. በቆይታዎ ጊዜ ያለምክንያት በቤተክርስቲያኑ ወይም በገዳሙ ወስጥ መዘዋወር፣ ጮክ ብሎ ማውራትም ሆነ መሳቅ፤ አላስፈላጊ የስልክ ንግግሮችን ማድረግ በስልክ ኢንተርኔት ከፍተው አለማዊ ወሬዎችን ማዳመጥ በጥብቅ የተከለከለ ነው።
5. በቆይታዎ ጊዜ የግል ወሬ ፖለቲካዊም ሆነ ማህበራዊ ምልከታዎትን ሌሎች እንዲሰሙም ሆነ እንዲተገብሩ ማድረግ በጥብቅ የተከለከለ ነው።
6. በቆይታዎ ጊዜ ሁሉ ከቤተ ክርስቲያኗ ቀኖና፣ ዶግማ እና ትውፊት የሚቃረኑ ማንኛቸውንም ዓይነት አስተምህሮ ማስተማር፣ ማድመጥ፣ መተግበር ወይም ሌሎች እንዲተገብሩ ማነሳሳት በጥብቅ የተከለከለ ነው
7. በተለያዩ የኢትዮጵያ ገዳማት የሚያውቁትን ስርዓት ካለ ሌሎች እንዲተገብሩ ማስገደድም ሆነ መምከር አይፈቀድም። ቤተክርስቲያኑ ወይም ገዳሙ የሃገሩን ሁኔታ ባገናዘበ መልኩ እና በሀገረ ስብከቱ እውቅና የራሱ የሆነ ህግ እና ደንቦች አሉት።
8. በቆይታዎ ጊዜ ወንዶች ቁምጣ፤ ሴቶች አጭር ቀሚስ ወይም ሱሪ ብቻ ማድረግ ፈፅሞ የተከለከለ ነው።
9. በማንኛውም ሰዓት ወደ ካህናት ማረፊያም ሆነ ወደ ሌሎች ሱባኤተኞች ክፍል መግባት ፈፅሞ የተከለከለ ነው።
10. በሱባኤ ክፍሎች ውስጥ ሻማ ማብራትም ሆነ ከሰል ማያያዝ እንዲሁም ተቀጣጣይ ነገሮችን ይዞ መግባት በጥብቅ የተከለከለ ነው::
11. በሱባኤ ቤቶች ውስጥ ምግብ ማብሰል በጥብቅ የተከለከለ ነው

1. በቆይታዎ ጊዜ የተገለገሉባቸውን ማንኛቸውንም የገዳሙ ቁሳቁሶች በንፅህና እና በስርዓት መመለስዎን ያረጋግጡ።

2. ይዘዋቸው የመጡትን ማንኛቸውንም ቁሳቁሶች ሆነ አልባሳት መያዝዎን ያረጋግጡ።

3. ስለ ቆይታዎ ማንኛውም ዓይነት አስተያየት ካልዎ በሱባኤ ክፍል ሃላፊ/አገልጋይ በሚሰጥዎት የአስተያየት መስጫ ቅፅ ላይ ሞልተው እንዲያስረክቡ እናሳስባለን።

4. በቆይታዎ እግዚአብሔር ስላደረገልዎት መልካም ስራ እና ተዓምራት በምስክርነት መስጫው ቅፅ ላይ ይሙሉ። በቃል አውደ ምህረት ላይ መመስከር የሚፈልጉ ከሆነ ለገዳሙ ሱባኤ ክፍል
ሃላፊ/አገልጋይ ያሳውቁ።

5. ቤተክርስቲያኑን ወይም ገዳሙን በሙያዎ ማገልገል የሚፈልጉ ከሆነ በተዘጋጀው ቅፅ ላይ ስምዎን እና ስልክ ቁጥርዎ ይሙሉ። የገዳሙ አስተዳደር ባስፈለገ ጊዜ ይደውልሎታል።

6. ለገዳሙ የገንዘብም ሆነ የቁሳቁስ እርዳታ ማድረግ ከፈለጉ የተዘጋጀው ቅፅ ላይ በመሙላት ማንኛውንም የገንዘብ እርዳታ ካለ ደረሰኝ እንዳያስረክቡ እናሳስባለን። ደረሰኝ የሚቆርጥልዎ ሰው ካጡ የሙዳዬ በረከት ሳጥን ውስጥ ከስምዎ እና ስልክ ቁጥርዎ ጋር ይክተቱ።

በድጋሚ እንኳን ደህና መጡ። ቆይታዎ የተሳካ፤ ጸሎዎ የሰመረ እና ከአምላካችን ከእግዚአብሔር ምላሽ የምታገኙበት ይሁንሎ።

የገዳሙ አስተዳደር