እንኔን መከተል የሚወድ ቢኖር ራሱን ይካድ መስቀሌን ተሸክሞ ይከተለኝ፤…ሰው ዓለሙን ሁሉ ቢገዛ ፍሱንም ቢያጎድል
ምን ይተቅመዋል?ተብሎ የተነገረውን የክርስቶስ ወንጌል ተከትላ፡ ዘመድ አዝማዶቿን ትታ፤ጌታን የተከተለች፤ በሮምና
በአርማንያ ገዥዎች የነበሩ ሁለት ከህዲያን ነገሥታት ዲዮቅልጥያኖስንና ድርጣድስን፤ በሃይማኖቷ ጸንታ ድል ያደረግች፤
የሮም ወታደሮች የሚያደርሱባት መከራና ግፍ፤ አስራትና ግርፋት ያልበገራት በዘመኑ ከርሳሷ ጋር ከነበሩ መላ ሕይወታቸውን
ለእሳትና ለስለት ከሰጡት ከ27ቱ ቅዱሳት ደናግል አንዷ ሰማዕት ቅድስ አርሴማ ናት።

የቅድስት አርሴማ የትውልድ ሀረግ አባቷ ከነገሥታት ወገን የሆነ ስሙ ቴዎድሮስ ይባል ነበር፡ አናቷ ደግሞ ከቤተ ክህነት
ከካህናት ወገን የምትሆን ልዕልትና ክብርት የሆነች አትኖስያ ትባል ነበር፡እነርሱም እግዚአብሐርን የሚፈሩ ደጋግና ጻድቃን
ነበሩ፡፡(ሉቃ1፤6) ነገር ግን ልጅ አልነበራቸውም፤ አስከ እርጅናቸውም ድረስ መካን ነበሩ። (1ኛ ሳሙ1፤3) ሰለዚህ አትኖስያ
በብዙ ታለቅስ ነበር፤ ክርስቶስ ሆይ መልካም ፍሬ፤ ወንድ ልጅ ወይም ሴት ልጅ ስጠኝ፤ እያለች ዘወትር ወደግዚአብሔር
ትጸልይ ነበር፡ እግዚአብሔርም የቅድስት አትኖስያናን ብዙ ልቅሶዋንና ኃዘኗን ሰምቶ መልኳ ያማረ፤ ግርምዋ የምታስፈራ፤
ልጅን ሰጣት፡ እርሷም ቅድስት አርሴማ ናት፡፤ሦስት ዓመት አስከሚሆናት ድረስ ከቤቷ አሳደገቻት፡ ከዚያ በኋላም
በሃይማኖት ጸንታ፤ በሥነ-ምግባር ታንጻ ታድግ ዘንድ በእመቤታችን በድንግል ማርያም ስም ለተሰራች ቤተ ክርስቲያን
አገልጋይ እንድትሆን ሰጠቻት።

ይህንን ዓለም በመናቅ ክርስቶስን ከተከትሉት ቅዱሳት ደናግል አንዷ ቅድስት አርሴማ ናት፡ ይቺ ያማረችና የተወደደች
ብላቴና አሥራ አምስት ዓመት ሲሆናት እናት አባቷ ለትዳር አጯት፡ አርሷ ግን ይህንን ዓለም ንቃ ክርስቶስን በድንግልና
ተከተለች፡ በዚያን ጊዜ ከሀዲው ንጉሥ ዲዮቅልጥያኖስ በሰይጣን አነሳሽነት ተገፋፍቶ በሀገሩ ላይ በመልኳና በደም ግባቷ
እጅግ ያማረች ሴት እንዲፈልጉለት፤አዋጅ ነገረ።በሰሌዳም መልኳንና ቅርጿን ሁሉ ስለው ያመጡለት ዘንድ ሠዐሊዎችን
አዘዘ፡ ሰዐሊዎችም ሀገር ለሀገር እየተዘዋወሩ ሲፈልጉ በሮሜ ሀገር የደናግል ገዳም በመልኳ እጅግ የተዋበች ቅድስት አርሴማን
አግኝተው ሥዕሏን ስለው ለንጉሡ ሲሰደዱለት እርሷን ለማግባት የሚፈለገውን ሁሉ አደረገ። “በአንዲቱ ከተማ መከራ
ቢያጸኑባችሁ ወደሌላይቱ ሽሹ” (ማቴ10፤23) እንዲል መጽሐፍ ቅድስት አርሴማም “ በአንዲቱ ከተማ መከራ ቢያጸኑባችሁ
ወደሌላይቱ ከተማ ሽሹ” ተብሎ የተጻፈውን አምላካዊ ቃል መሠረት በማድረግ ከዚህ ሰይጣናዊ ድርጊት ለመዳን ትችል
ዘንድ ወደንጉሥ ድርጣድስ የግዛት አገር ወደ ሚሆን ወደአርማንያ ሃገር ሄደች ከሰባ አምስት ወንዶችና ከሠላሳ ዘጠኝ ደናግል
ሴቶች ጋር በምድረ በዳ ዋሻ ፈጣሪዋን እየለመነች ተቀመጡ፡ንጉሡም ብዙዎችን ክርስቲያኖች ለጣዖት ካልሰገዳችሁ ጣዖት
ካላመለካችሁ እያለ ይገርፋቸው ወደእስርቤት እያስገባ ያስራቸው፤ ብዙ መከራና ሥቃይ ያደርስባቸው ነበር። (ዳን 3፡1-12)
ቅድስት አርሴማ ግን ከሀዲው ንጉሥ ድርጣድስ በሚፈጽመው ግፍ እያዘነች ያለምንም ፍርሀት ትገሥጸው ነበር ቅዱሳን
ሰማዕትንም ከገድላችሁ ብዛት የተነሳ የማይጠፋ የብርሃን አክሊል ተዘጋግቶላችኋልና ሰላም ለእናንተ ይሁን እያለች
ታጽናናቸው ነበር:: ቅድስት አርሴማ መንግሥተ ሰማያትን መረጠች ቅድስት አርሴማ ቀደም ሲል ንጉሥ ዲዮቅልጥያኖስን
አላገባም ብላ ወደአርማንያ ከተሰደደችም በኋላ ንጉሥ ዲዮቅልጥያኖስ ቅድስት አርሴማን ጨምሮ ቅዱሳኑ ከሮም ወደ
አርማንያ እንደተሰደዱ ሰምቶ ወደአርማንያው ንጉሥ ድርጣድስ መልእክተኞችን ላከ ከኔ ግዛት ከሮም ወዳንተ ግዛት አርማንያ

ጌታችን ኢየሱስ ክርስቶስም ከእናቱ ከድንግል ማርያም ጋራ ወርዶ ቅድስት አርሴማ ሆይ ሰላምታ ይገባሻል ስለኔ ፍቅር
ይህንን ዓለምና ከሀዲውን ንጉሥ ድል ነስተሽዋልና ምን አደርግልሽ ዘንድ ትወጃለሽ አላት።ቅድስት አርሴማም መታሰቢዮ
ያደረገውን፤ ስሜን የጠራውን፤ ቤተ ክርስቲያን በስሜ ያሰራውን፤ ሁሉ መልካም ዋጋውን ክፈልልኝ አለችው ጌታም ይህንን
ሁሉ ያደረገውን በመንግሥተ ሰማያት ዋጋውን እከፍለዋለሁ ብሎ ቃል ኪዳኑን አጸናላት። (ማቴ10፤42)

ይህ ሁሉ ገድልና ተአምራት ከተፈጸመ በኋላ ቅድስት አርሴማ እነዚያን የሮማ ወታደሮች እንግዲህ የታዘዛችሁትን ፈጽሙ
አለቻቸው ወገቧን ታጥቃ፤ ልብሷን በትእምርተ መስቀል አምሳል ለብሳ፤ እንገቷን ከፍ አድርጋ ለሰይፍ አመቻቸች። እነርሱም
ወዳንቺ መቅረብና አንገትሽን መቁረጥ አልቻልንም፡ በግንባርሽ ላይ ያለው የተሳለው ትዕምርተ መስቀል አስፈርቶናልና
ግንባርሽን ሸፍኝልን አሏት፡ የምሸፈንበት ቁራጭ ልብስ ስጡኝ አለችና ወታደሮቹ በሰጧት ቁራጭ ልብስ ራሷን ተሸፈነች፡
እነሱም በጭካኔ አንገቷን ሰየፏት ቅድስት አርሴማ የክብር አክሊልን ከፈጣሪዋ ተቀበለች ከአንገቷ ደም፤ውኃ; ወተት;
እንደክረምት ውኃ መነጨ ይህውም መስከረም 29 ቀን ሰማዕትነትን የተቀብለችበት በዓለ ዕረፍቷ ነው፡፡ በዚያ ንጉሡ
ድርጣድስና ሰራዊቱ እየተመለከቱ የቅድስት አርሴማ አንገት ለሁለት ተቆረጠ በዚያ የነበሩ ሰዎች አስከሚያደንቁ ድረስ
ራሷም ለብቻው ሦስት ሰዓት ያህል ቆመ ክብር ለፈጣሪ ይሁና ከአንገቷ ደም፤ውሃ፤ ወተት፤ እንደክረምት ውሃ መነጨ
ከዚያም በኋላ ብሩህ ደመና ወርዶ ጋረዳት ወደሰማይ እንደመብረቅ ሳባት፤ንጽሕት ነፍስ ሆይ ደስ ይበልሽ እያሉ የመላእክት
ማኅበር ሁሉ ነፍሷን በክብር፤በእልልታ በዝማሬ አሳረጉ፡ ከጌታዋም የክብር አክሊልን ተቀበለች፡፡ይህውም በታኅሣሥ
ስድስት ቀን የቅድስት አርሴማ ቅዳሴ ቤቷ የሚከበርበት፤ የሃያ ሰባቱ ቅዱሳን ሰማዕት መታሰቢያቸው ነው፡፡ መቅድም
ዘተነግረ በእንተ አርሴማ ቅድስት፤ ስለቅድስት አርሴማ አስቀድሞ የተነገረ ነው። አባቶችና ወንድሞች ሆይ ስለ ቅድስትና
ስለብጽዕት ክብርና ልዕልና፤ ስለሆነች ስለ ቅድስት አርሴማ መልካም ዜናን አንነግራችሁ ዘንድ በጸጥታ ስሙን በማስተዋልም
አድምጡን፤ ይህችውም ብጽዕት ሰማዕት አርሴማ ናት፡ ለቅድስት አርሴማ ክብር ይገባታል። ትውልድና ፍጥረት ሁሉ
ያደንቋታል ስለመከራዋ ስለሥቃይዋ ብዛት በሰማያት ያለች እህታችን ይሏታል።ይህችዉም ብጽዕት አርሴማ እግዚአብሔርን
የምትፈራ ናት፡ በቅዱሳን ሰማዕት ማህበርና በገነት ባሉ ፍጥረታት ሁሉ ዘንድ ፈጽማ ትመሰገናለች፡፡ወርቅ በእሳት
እንደሚፈተን እግዚአብሔር ወዳጆቹን በችግር ይፈትናቸዋል፡ ይህንንም ቃል ለመፈጸም ቅድስት አርሴማ የመከራውን
ሸክምና የእሳቱን ዋዕይ ታገሰች። ሰለዚህም መንግግሥተ ሰማያትን ወረሰች። ስለቅድስት አርሴማ ብሎ ቁራሽ እንጀራና
ቀዝቃዛ ጽዋ ውኃ የሚሰጥ ብጹዕ ነው ዋጋው አይጠፋበትም። (ማቴ 10፤42)
የድኅነትና የበረከት ልጅ ብጽዕት አርሴማ ሆይ፤
የይቅርታ የምሕረት ልጅ ብጽዕት አርሴማ ሆይ፤
የክብርና የልዕልና ልጅ ብጽዕት አርሴማ ሆይ፤
የጽድቅና የሕይወት ልጅ ብጽዕት አርሴማ ሆይ፤
የክብርና የምስጋና ልጅ ብጽዕት አርሴማ ሆይ፤

የደስታና የኃሴት ልጅ ብጽዕት አርሴማ ሆይ፤
የፆምና የጸሎት ልጅ ብጽዕት አርሴማ ሆይ፤
ዛሬ በዚች ቦታ የተሰበሰብነውን ዘወትር ጠብቂን የሞት መቅሰፍትን ከኛ ላይ አርቂልን፤
የበደልና የኃጢአት ጨለማ ከእኛ ይወገድ።
የቅድስትና የብጽዕት አርሴማ በረከት ከሁላችን ክርስቲያኖች ጋራ ለዘላለሙ ይኑር አሜን፡፡
ምንጭ፦ መጽሐፈ ስንክሳር ግዕዝና አማርኛ ገድለ-ቅድስት አርሴማ ግዕዝና አማርኛ የሰማእቷን ሙሉውን ገድል የየወሩን
ስለምናስቀምጥ በማበብ በረከት ያግኙ::

ወስብሐት ለእግዚአብሔር